29 Marta, 2024

Prijava

Sve manje humanitarnog entuzijazma Nijemaca prema Ukrajincima

Nijemci su 2022. Ukrajini i ljudima koji su iz nje pobjegli donirali više od milijardu eura. Osim toga, angažovani su mnogi dobrovoljci. No, koliko dugo će još da traje ta spremnost da se pomogne?

Dobrotvornim i humanitarnim organizacijama u Njemačkoj je 2022. donirano ukupno 5,7 milijardi eura. To je slično kao i 2021. godine, kada su Nijemci izdvojili ogromne sume za ublažavanje posljedica katastrofalne poplave u zapadnoj Njemačkoj.

„Donatori su 2022. posebno pomagali ljudima koji su bježali iz Ukrajine”, kaže Martin Vulf iz Nemačkog savjeta za donacije.

„Većina donacija je stigla od februara do aprila 2022. dakle na početku rata u Ukrajini”, navodi se u izvještaju udruženja.

Posebno veliki skok je zabilježen kod donacija za „hitnu pomoć i pomoć u katastrofama” – sa 347 miliona eura na 1,133 milijarde eura. Savjet za donacije pretpostavlja da je veliki dio novca otišao za pomoć Ukrajini za pomoć interno raseljenim osobama – ali i ljudima koji su iz Ukrajine pobjegli u Njemačku.

Ulrike Lesig iz berlinske humanitarne organizacije „Budi anđeo” kaže da su oni u proteklih jedanaest mjeseci evakuisali više od 18.000 ljudi iz Ukrajine – uglavnom preko Kišinjeva u Moldaviji. Oni prvenstveno pomažu ljudima kojima je potrebna medicinska pomoć:

„Dovodimo osobe s invaliditetom, bolesne osobe i ranjenike na medicinski tretman u Nemačku”, rekla je Lesig za DW.)

Da bi to bilo moguće, organizacija „stalno traži ljekare i bolnice koji mogu da nastave liječenje raka, na primjer.”

Osim toga, imaju skladište u Lavovu u zapadnoj Ukrajini i nedavno su uspeli da isporuče više od 1000 generatora za struju – finansiranih donacijama.

Lesig  upozorava da se spremnost na donacije u Njemačkoj smanjuje: „Krajem februra  2022. ljudi su bili uznemireni: govorilo se ‚rat nam je pred vratima'”. Ali sada se ljudi polako navikavaju na to, kaže ona: „Što češće neko gleda užasne slike, postaje sve tvrđi, a i problemi ovdje u Nemačkoj izbijaju u prvi plan”.

Mnogi i dalje redovno doniraju za Ukrajinu, no u razgovorima se ljudi sve češće pitaju „koliko hrane, koliko grijanja ću još moći sebi da priuštim? Posljedice rata se osjećaju i u Njemačkoj”, napominje Lesing.

Osim toga, primjećuje „određenu iscrpljenost” među volonterima. U proleće 2022. tokom ruskog napredovanja prema Kijevu, u Berlinu je zbrinjavan posebno veliki broj izbjeglica iz Ukrajine. Stizali su vozom, preko Poljske. Tada su se angažovali i brojni volonteri.

„Postoje ljudi koji dobrovoljno pomažu tokom svog odmora ili vikendima”, kaže Lesig. Ali njihovo vreme je ograničeno. „Ne možete na duge staze uz posao, porodicu i druge obveze još i spašavati Ukrajinu.”

Ipak, činjenica da su mnogi ljudi u Nemačkoj privatno primili Ukrajince u svoj dom pokazuje da je „spremnost za pomoć bila velika u proteklih jedanaest mjeseci”, naglašava Lesig.

Ona kaže da još uvijek ima mnogo donatora i volontera, ali se osjeća zamor. „Bilo je jasno da će s vremenom početni angažman splasnuti”. S obzirom da se rat nastavlja, ona apeluje na politiku i kaže da bi u jednom trenutku bi taj teret „morala da preuzme država”.

Pratite nas na našoj Facebook i Instagram stranici i uključite se u našu Viber zajednicu.

Podjeli: